اِسمٰعیلیہَ
بوہریوں اور آغاخانیوں کا تعارف (تاریخ کی روشنی میں)

معہ تقریظ
مولانا سید ابوالحسن علی ندوی مدظلّہ

مؤلفہ: سید تنظیم حسین

ناشر
ڈاکٹر محمد عبدالرحمٰن غضنفر
موسیس ومُدیر

دروزیوں کے مذہبی اصول

عقال اور جہال

عقال کی جماعت میں شریک ہونے والے دروزیوں کو چند شرائط پوری کرنا ہوتی ہیں۔ یہ شرائط کچھ ایسی نوعیت کی ہیں جیسی کہ فری

میسنوں میں پائی جاتی ہیں۔ ان میں اور بہت سی باتیں فری میسنوں سے ملتی جلتی ہیں۔ دوسری جماعت جہال کی ہے جن پر مذہب کی پابندیاں عائد نہیں ہوتیں۔ کہاجاتا ہے کہ جہال ہر قسم کے فسق وفجور میں مبتلاپائے جاتے ہیں۔دروزیوں نے اپنے مذہب کا دروازہ بندکررکھا ہے۔

اعمال شریعت سے متعلق نزاریوں کے عقائد:

نزاری ائمہ میں سب سے مشہور امام حسن علی ذکرہ السلام ہیں۔ان کا زمانہئ امامت ۷۵۵ھ۔۱۶۵ھ، ۲۶۱۱ء۔ ۶۶۱۱ء ہے۔ کہاجاتا ہے کہ ۹۵۵ھ۔۳۶۱۱ء میں انہوں نے تمام اسمٰعیلیوں کو جمع کیا اور قلعہ الموت سے متصل منبر پر کھڑے ہوکر ایک خطبہ  ۱ ؎ (۱ ؎ تاریخ ائمہ اسمٰعیلیہ جلد سوئم میں صرف خطبہ دینے کا ذکر ہے۔خطبہ کا متن نہیں دیاگیا جس کی وجہ صاف ظاہر ہے۔ان کو تاریخ میں خداوندئ الموت‘ کہاگیا ہے) دیا جس سے اقتباس پیش کیا جاتا ہے۔

”قائم القیامہ میرے ذریعہ سے ہے۔ میں امامِ زماں ہوں اور امرونہی صرف شریعت کے رسم ورواج ہیں اور اُن کی تکلیف کو میں اہل دنیا سے بالکل اٹھالیتا ہوں چونکہ یہ زمانہ قیامت کا ہے“ اُس دن الموت کے تمام اسمٰعیلیوں نے بڑاجشن منایااوریہ دن تاریخ میں ”عید القیام“ کے طورپر مشہورہوا ہے۔ پھر حضرت امام نے قیامت کی تشریح کرتے ہوئے فرمایا ”آج میں تم کو تمام شریعت کی تکلیفوں سے نجات دیتا ہوں۔آج تمہارے لئے رحمت کے دروازے کھلے ہوئے ہیں۔ میں نے تم سب کو شریعت اورقیامت کے اسرار سے مطلع کیا“۔  ۲؎ (۲ ؎ تاریخ فاطمین مصر صفحہ ۶۷۱)

یہ اقتباس نزاری فاضل علی محمد جان محمد چنارا کی کتاب ’نورمبین حبل اللہ متین‘ سے ہے۔چنارا صاحب اسی کتاب میں مزید لکھتے ہیں:

”حضرت امام حسن علی ذکرہ السلام نے ان لوگوں کو تاویلی علم سکھایا اوربتایا کہ دنیا قدیم ہے۔ زمانہ جاودانی ہے۔قیامت صرف روحانی ہے۔ بہشت ودوزخ معنوی (باطنی) ہیں۔ ہر ایک شخص کی قیامت اُس کی موت ہے۔ باطن میں خلقت کو خدائے تعالیٰ کی خدمت میں رہنا چاہیے

اورظاہر میں صوابی طورپر زندگی بسرکرنی چاہیے۔جس کے لئے شریعت کے اعمال کی ساری پابندی اور بندشیں مخلوق سے اٹھائی جاتی ہیں۔“  ۱ ؎  (۱ ؎؎ ؎ تاریخ فاطمین مصر صفحہ۷۷۱)

فان ہیمر نے بھی عید قیام اور امام حسن علی ذکرہ السلام کا تفصیلی ذکر کیا ہے۔ جوقریب قریب وہی ہے جیسا کہ اوپر چناراصاحب نے بیان کیا ہے۔ فرق صرف اتنا ہے کہ فان ہیمر نے عید قیام پر عام شراب نوشی کابھی ذکر کیا ہے۔    ۲ ؎  (۲ ؎؎Histry of the Acsxcious   صفحہ۱۴۱)

امام حسن علی ذکرہ السلام کی نسبی حیثیت

اسمٰعیلیہ کے یہاں نسب سب سے اہم ہے لیکن فان ہیمر نے امام حسن کے نسب کے متعلق جو کچھ لکھا ہے وہ اسقدرشرمناک ہے کہ ہم اس کو نقل کرکے اپنی کتاب کی سنجیدگی مجروح کرنا پسند نہیں کرتے صرف اُس کے تاثرات پیش کرتے ہیں:

اعمال شریعت کی طرف واپسی

(۱) نورالدین یا نورشاہ

برصغیر میں نزاری داعیوں کا سلسلہ نورالدین یا نورشاہ ۱ ؎  (۱ ؎ نورالدین یا نورست گروکا تاریخ ائمہ اسماعیلیہ میں نہیں ملتا۔شیخ محمد اکرام نے ’آب کوثر‘ میں خاصی تفصیل سے ذکر کیا ہے۔ دیکھئے صفحات ۰۴۳۔۳۴۳۔ شیخ محمد اکرام نے آرنلڈ کی دعوات اسلام اور بمبئی گزیپٹر جلد نہم حصہ دوم کا حوالہ دیا ہے۔ تاریخ فاطمین مصر حصہ دوم میں ڈاکٹر زاہد علی نے بھی نورالدین کاذکرکیا ہے) سے شروع ہوتا ہے انہیں ’الموت‘ سے بارہویں صدی میں بھیجا گیا تھا۔ ان کی دعوت کا علاقہ گجرات اور نوساری تھا۔ انہوں نے اپنانام ہندوانہ رکھا اور بہت سے افرادکو جن کا تعلق نیچ ذاتوں سے تھا اسمٰعیلی مذہب میں شامل کیا۔یہ ’نورست گرو‘ کہلائے جاتے تھے (انہوں نے۴۳۶ھ۔ ۷۳۲۱ء میں سلطانہ رضیہ کی حکومت کو غیرمستحکم دیکھ کر اسمٰعیلی جھنڈالہرانے کی کوشش کی مگر ناکام رہے) ان کی خصوصیت یہ ہے کہ انہوں نے اسلامی طریقہ تبلیغ سے قطعی ہٹ کرہندوشعاراپنانے میں پہل کی۔

(۲) پیرشمس (شاہ شمس الدین)  ۲۴۶۔ ۷۵۷ھ، ۱۴۲۱ء۔۶۵۳۱ء

(۳) پیروداعی صدرالدین(۰۰۷۔۹۱۸ھ، ۰۰۳۱۔۶۱۴۱ء)

آپ کا اصل نام محمد تھا اور لقب ’بارگر‘ ’سودیو‘ ہریشچندر‘ ’حاجی صدرشاہ اور صدرالدین تھے۔ ہندو انہیں مچھرناتھ کہتے تھے۔ پیر شمس آپ کے پرداداتھے۔الموتی امام اسلام شاہ (۱۷۷۔۷۲۸ھ، ۰۷۳۱۔۳۲۴۱ء) نے آپکو پیر کا لقب دے کرہندوستان روانہ کیا۔ انہوں نے بہت سے گنان لکھے۔جن کے نام یہ ہیں۔ ’آرادبوجھ‘ نرنجن‘ ونود‘ اتھروید‘ باون گھاٹی‘ دعا گٹ پاٹ‘ کھٹ درشن‘ کھٹ نرنجن وغیرہ ان کے گنانوں کی تعداد ۰۵۲ بتلائی جاتی ہے۔ ۱ ؎  (۱ ؎  شائع کردہ شیعہ امامیہ ایسوایشن برائے پاکستان۔ کراچی صفحہ ۶۴۱ حصہ سوئم) گنان لکھنے کے علاوہ پیرصدرالدین نے ہندوستان میں اسمٰعیلیوں کی تین جماعتیں منظم کیں۔ جن کے منظم پنجاب میں مکھی سیٹھ شام داس لاہوری‘ کشمیر میں مکھی سیٹھ تلسی داس اور سندھ میں مکھی تریکم تھے  ۲ ؎ (۲ ؎  آب کوثر صفحہ ۵۴۳ بحوالہ اسمٰعیلیوں کی تاریخ ازمسٹر اے۔ایس۔پکلے) پیر صدرالدین نے ایک دس اوتار بھی لکھا۔ یہ بھی پیر شمس کی طرح ہندوؤں میں رہتے تھے۔ شیخ محمد اکرام لکھتے ہیں:

”انہوں نے ہندومذہب کے بعض عقائد کو صحیح تسلیم کیا تاکہ اسمٰعیلیہ مذہب کی اشاعت میں آسانی ہو۔ انہوں نے ایک کتاب دس اوتارکے نام سے لکھی یارائج کی جس میں رسول اکرمؐ کو برہما، حضرت علیؓ کو وشنو اور حضرت آدم ؑ کو شیو سے تعبیرکیا ہے۔ یہ کتاب خوجہ قوم کی مقدس کتاب سمجھی جاتی ہے اور مذہبی تقریبوں پر اورنزع کے وقت مریض کے بستر کے قریب پڑھی جاتی ہے۔۳ ؎ (۳ ؎  آب کوثر صفحات۶۴۳۔۷۴۳ شیخ محمد اکرام سندھ گزیٹیر کے حوالہ سے لکھتے ہیں کہ کتاب ’دس اوتار‘ کی تصنیف میں پیر صدرالدین نے ایک عالم برہمن سے مددلی)

(۴) پیرکبیر الدیں (۲۴۷۔۳۵۸ھ، ۱۴۳۱۔۹۴۴۱ء)

کبیرالدین‘ پیرصدرالدین کے بیٹے تھے اُن کو بھی الموتی امام اسلام شاہ (۱۷۷۔۷۲۸ھ،۰۷۳۱۔۳۲۴۱ء) نے پیر کا لقب دیا اورہندوستان میں دعوت کے کام کی نگرانی پر مامورکیا۔پیر کبیرالدین یاپیر حسن کبیرالدین نے بھی متعدد گنان لکھے۔ ان کے نام ملاحظہ ہوں۔ اننت اکھاڑو‘ برہم گاونستری‘ اننت کے نوچھگے‘ اننت کا دیوا‘ ستگرنورکا دیوا‘ وغیرہ وغیرہ۔

(۵) سیدامام شاہ (۴۳۸۔۶۲۹ھ، ۰۳۴۱۔۰۲۵۱ء)

نزاری پیروں کی خصوصیات

ہم نے اسمٰعیلی (نزاری) پیروں کاذکر بہت مختصر کیا ہے۔جوچیز ان سب میں مشترک ہے وہ اُن کی فکرونظر پر ہندومت کا غلبہ ہے۔ اسی وجہ سے انہوں نے ہندومت کے بعض عقائد کو صحیح تسلیم کیا۔ ہندوانہ نام رکھے حتیٰ کہ اپنی دعوت کے ارکان کے نام بھی ہندوانہ رکھے مثلاً مکھی‘ کامڑیا وغیرہ۔مقامی تہذیب وتمدن کی برتری تسلیم کرنے میں بھی تامل نہیں کیا۔اور اس طرح ایک نادان دوست کا کرداراداکیا۔ غالباً یہی وجہ ہے کہ پیر کبیرالدین کے بعداُن کے بیٹے کو الموتیٰ امام کی جانب سے پیر کالقب نہیں ملا۔بلکہ الموتی امام کے نمائندوں کو وکیل کہاجانے لگا۔  ۱ ؎  (۱ ؎ سندھ گزیٹیر میں ایک پیر یا نائب پیر خواجہ داؤد (یادادو) کا ذکر کیا گیا ہے۔ تاریخ ائمہ اسمٰعیلیہ میں اس کو وکیل کہاگیا ہے۔ اس کے پیرو بھی ہندوانہ نام رکھتے تھے۔ تاریخ ائمہ اسمٰعیلیہ جلد سوم صفحات ۲۰۲، ۵۱۲) یہ بھی معلوم ہوتا ہے کہ اسمٰعیلی داعی ہندومت کے مقامی دباؤ کا مقابلہ نہ کرسکے حتیٰ کہ تاریخ ائمہ اسمٰعیلیہ کے مطابق امام شاہ یا امام الدین کی وفات کے بعد اس کے بیٹے سید نرمحمد شاہ نے جن کو نورمحمد شاہ بھی کہتے ہیں اپنا تعلق الموتی امام سے توڑلیااور ایک ست پنتھی یا امام شاہی فرقہ وجودمیں آیا جو اسمٰعیلی خوجوں کی نسبت کبیر پنتھی اور نانک پنتھی طریقوں سے زیادہ ملتاجلتا ہے۔ ۱ ؎  (۱ ؎ آب کوثر صفحہ ۰۵۳) اس کا ذکر ہم گذشتہ باب میں کرآئے ہیں یوں کہاجاتا ہے کہ اسمٰعیلی دعوت کا باقاعدہ سلسلہ بہت کمزورپڑگیا۔اپنا اقتدارقائم رکھنے کے لئے الموتی امام عبدالسلام (۰۸۸۔۹۹۸ھ، ۵۷۴۱۔۳۹۴۱ء) نے ایک کتاب ’پندبات جوانمردی‘ تصنیف کی جسے ’پیر‘ کادرجہ دیاگیا ۲ ؎  (۲ ؎ ؎ آب کوثر صفحہ۱۵۳) بہرحال اسمٰعیلیوں میں سے کچھ نے اپنے آپ کو شیعوں (اثناعشریہ) میں شامل کرلیا۔ کچھ سنی ہوگئے اور کچھ ہندومت پر واپس ہوگئے یہ نتیجہ نکلا تین سو سالہ اسمٰعیلی (نزاری) تبلیغ کا۔

ایک حیرت انگیز تقیہ (جوچارسوسال تک رازرہا)

آغاخانیوں /نزاریوں کی مذہبی کتابیں

۱۔جوگنان پیروں نے (جن کاذکراوپرکیاگیا ہے) لکھے ان گنانوں کے مختلف مجموعے بمبئی میں اسمٰعیلیہ ایسوسی ایشن برائے بھارت/انڈیا نے شائع کئے ہیں۔

۱۔گنان کا نمونہ   ۱ ؎  ( ۱ ؎ دیکھئے آغاخانیت کیا ہے؟ شائع کردہ سواد اعظم اہل سنت پاکستان)

۱۔ ”شاہ (یعنی امام) رامچندر کے روپ میں آیا۔کرشن کے روپ میں آیا۔۔۔۔“ (گنان نمبر ۳۷۱ مجموعہ از پیر صدرالدین۔ شائع کردہ اسمٰعیلیہ ایسوسی ایشن برائے بھارت بمبئی)

۲۔ ”اس کلجگ میں خداوندعالم کا مظہر ظہور انسانی جسم میں ہے اوروہ ساری روحوں کا شہنشاہ ہے یعنی حاضر امام“

(گنان برہم پرکاش ازپیرشمس الدین۔ مقدس گنان کامجموعہ۔ شائع کردہ اسمٰعیلیہ ایسوسی ایشن برائے بھارت بمبئی)

۳۔ جولوگ علی کودل سے اللہ مانیں گے۔۔۔۔۔۔۔۔۔۔۔(نعوذباللہ)

(گنان مومن چینامنی۔ ازامام شاہ۔ مقدس گنانوں کا مجموعہ)

۲۔ پندیات جوانمردی

امام نے فرمایا:

”مومن وہ ہے کہ جس کا قول ایک ہو“

”مومن وہ ہے جو حق اورناحق کو پہچانتا ہو“

۳۔ دس اوتار(اول تاپنجم نقل کے لائق بھی نہیں)

۶۔چھٹااوتارشاہ نے ”رام“ کے روپ میں لیا اوردس سروالے راون کو ہلاک کیا۔۔۔۔“

۸۔آٹھواں اوتارشاہ نے ”کرشن“ کے روپ میں لیا۔۔۔۔۔۔۔۔۔“

۹۔نوواں اوتارشاہ نے ”بدھ“ کے روپ میں لیا۔۔۔۔۔۔۔۔۔“

۰۱۔آجکل دسویں اوتار میں ’علی‘ کے روپ میں شاہ ظہور میں ہیں“

۴۔ فرامین

”اسمٰعیلیوں کے پاس رہبری کے لئے کوئی مخصوص کتاب نہیں مگرزندہ امام ہے۔“

ہم نے نمونے محض تعارف کے لئے دئیے ہیں۔سچ تو یہ ہے کہ اسمٰعیلیہ کے بنیادی عقائد معلوم ہونے کے بعد نہ ان ذیلی تحریروں کی کوئی حیثیت باقی رہتی ہے اورنہ ان کے کسی بھی عمل کی۔

اسلامی شعاراورآغاخانی

آغاخانیوں کے دواصول ہیں:

۱۔ ”جومعاملات خداکے ہیں انہیں خداسے اورجوقیصر کے ہیں انہیں قیصر سے متعلق رکھو۔“ ۱ ؎ (۱ ؎ اسلام میرے مورثوں کا مذہب صفحہ ۱۴)
Bible – Mark – 12:17))

۲۔ ”جہاں رہو یعنی جس ملک وملت میں رہو اس کاشعاراختیارکرو۔“

ہم اس سلسلہ میں آغاخاں سوم کی خودنوشت سوانح عمری سے اقتباسات پیش کریں گے:

۱۔ ”میں نے عورتوں کی آزادی اورتعلیم کی ہمیشہ ہمت افزائی کی ہے۔ میرے دادا اوروالد کے زمانہ میں پردہ ترک کرنے کے سلسلے میں اسماعیلی دوسرے فرقوں سے بہت آگے تھے حتیٰ کہ ان ممالک میں بھی جوبہت زیادہ رجعت پسند تھے میں نے پردہ بالکل ختم کردیا ہے۔ اب آپ کسی اسماعیلی عورت کو نقاب ڈالے ہوئے نہیں دیکھیں گے۔ ۲ ؎ (۲ ؎ اسلام میرے مورثوں کا مذہب صفحہ ۱۴)

۲۔ ”جہاں تک میرے پیروؤں کے طرززندگی کا تعلق ہے تومیری یہ کوشش رہی ہے کہ میں اُن کوجونصیحتیں کرتا ہوں جومشورے دیتا ہوں انہیں اس ملک اور حکومت کے مطابق بدلتا رہتا ہوں جس میں وہ زندگی گزارتے ہیں۔ چنانچہ مشرقی افریقہ کی برطانوی نوآبادی میں انہیں میری یہ تاکید ہے کہ وہ انگریزی کو اپنی اولین زبان بنائیں اپنے خاندان اور اپنی گھریلوزندگی کی بنیادانگریزی طریقوں پر رکھیں اورشراب وتمباکو نوشی کو مستثنیٰ کرکے عام طورپر برطانوی اورمغربی رسم ورواج اختیارکریں۔“۱ ؎ (۱ ؎ اسلام میرے مورثوں کا مذہب صفحہ۶۴)

نزاریوں (آغاخانیوں) کے دیگر اعمال

کافی عرصہ سے آغاخانیوں کی مذہبی کمیٹی ایک اشتہار بعنوان ”آغاخانی مذہبی عبادات کا پیغام“ کے ذریعہ اپنی مذہبی عبادات سے روشناس کرارہی ہے۔اس اشتہارکے مندرجات بڑے دلچسپ ہیں۔اس پیغام میں بعض اعمالِ شریعت کی تاویلات بتلاکر اُن پر عمل نہ کرنے کا جواز پیش کیاگیا ہے۔ اورکس طرح حاضر امام کو رقومات کی ادائیگی سے عبادات معاف کرائی جاسکتی ہیں۔ ناظرین اس اشتہارکوضمیمہ میں ملاحظہ کرلیں۔ہم اس کے متعلق کچھ عرض کرنا کارِعبث سمجھتے ہیں۔

فاطمی مستعلویہ اورظاہری شریعت

ظاہری شریعت کی پابندی کا مسئلہ اسمٰعیلیوں میں ابتداء سے ہی بہت دلچسپ بلکہ مختلف رہا ہے۔ڈاکٹر زاہد علی ۱ ؎  (۱ ؎ تاریخ فاطمین مصر حصہ دوم صفحات ۴۵۲۔۴۶۲) نے اس بارے میں تفصیل سے بحث کی ہے جس کا لُبِ لباب انہیں

کے الفاظ میں پیش کیاجاتا ہے:

بہرحال امام معز (۱۴۳۔۵۶۳ھ، ۲۵۹۔۵۷۹ء) کی دعاؤں اوراُن کے باب الابواب جعفر بن منصور الیمن کی کتابوں سے اس بات کا پتہ چلتا ہے کہ اگلے اور قدیم اسمٰعیلیوں کا عقیدہ یہ تھا کہ امام محمد بن اسمٰعیل کے عہد سے ظاہری اعمال اٹھ گئے اورعلم باطن کا دورشروع ہوا چنانچہ بعض قدیم اسمٰعیلی فرقے مثلاً قرامطہ اور نزاری (خوجے) یہی عقیدہ رکھتے تھے۔ امام مہدی (عبیداللہ المہدی) اور اس کے جانشینوں (فاطمی خلفاء/وائمہ) نے اس قسم کے عقیدے ظاہر نہیں کئے۔ اس کی وجہ مستشرق ’اویری‘ نے یہ بتائی ہے کہ اِن حکمرانوں کو بلادِ مغرب۔مصر اورشام وغیرہ پر مستقل حکومت کرنے کا موقع ملا اوران ممالک میں اکثریت اہل سنت کی تھی اسلئے انہوں نے صرف ایسے عقیدے ظاہر کئے جو ان کی رعایا سے ملتے تھے۔“  ۱ ؎ (۱ ؎ تاریخ فاطمین مصر حصہ دوم صفحہ ۳۶۲)

واضح رہے کہ اسمٰعیلیوں کے یہاں امام/خلیفہ ابوتمیم معدالمعزلدین اللہ (۱۴۳۔۵۶۳ھ،، ۲۵۹۔۵۷۹ء) جملہ فاطمی ائمہ میں ایک خصوصی حیثیت کے مالک سمجھے جاتے ہیں وہ زیادہ تر مولانا معز کہتے جاتے ہیں اُن کی دعائیں اسمٰعیلیوں کے یہاں بہت معتبر اورمتبرک مانی جاتی ہیں۔ ۲ ؎  ( ۲ ؎ یہ دعائیں سات ہیں جو اتوار سے شروع ہوتی ہیں۔ آخری دعاشنبہ (سینچر) کی ہے۔اتوار سے دعاؤں کا شروع ہونا نصرانی اثرات کا ثبوت ہے۔ (ایضاً صفحہ ۵۵۲) ڈاکٹر زاہد علی نے اُن کی دعاؤں سے وہ عربی متن بھی دیا ہے جس کی روسے ظاہری اعمال کی پابندی اٹھ گئی ہے۔ مگر اس صریح بیان کے بعد بھی ایک دلچسپ تاویل پیش کی گئی جس پرمستشرق ایوانو سے ضبط نہ ہوسکا اُس کے تاثرات ناظرین کی دلچسپی کا باعث ہوں گے:

Sayyidna Idris obvously tries here, as on many other occasions, to avoid falling between two stools, without any convincing result. This is one of the examples of that mystic vision, in which two contradictory statements are both admitted as true at one and the same time. In such cases the student is required to possess strong confidence in the honesty of the author to treat his statements seriously, and not to take it for ordinary forbishness. (The Rise of the Fatimids. P.244)

ترجمہ: حسب سابق اِس مرتبہ بھی سیدنا ادریس نے تذبذب کا شکارہوکر غلط راستہ اختیارکرنے سے بچنے کی کوشش کی ہے لیکن نتیجہ غیراطمینان بخش رہا۔ یہ عارفانہ تصورات کی بہت سی مثالوں میں ایک ہے جن میں دومتضاد بیانات کو ایک ہی وقت میں درست قراردیاجاتا ہے۔ ایسے حال میں حقیقت کے متلاشی کو مصنف کی امانت پر اعتماد کامل کی ضرورت ہوتی ہے تاکہ وہ اُس کے بیانات کوسراسر حماقت سمجھنے کے بجائے درخورِاعتناء سمجھ سکے۔“

متذکرہ بالابیانات سے ظاہر ہے کہ فاطمیوں نے اگر ظاہری شریعت کی پابندی تو اس وجہ سے کی کہ اُن کی حکومت میں اہل سنت والجماعت کی کثرت تھی اوراُن کے لئے اپنااقتدار قائم رکھنے کے لئے ضروری تھا کہ وہ اُن کویعنی اہل سنت کو مطمئن رکھنے کے لئے ظاہری شریعت کی پابندی کریں۔ یہ پابندی مصر میں فاطمی اقتدارکے دوران مصلحت وقت کے تحت برقراررہی اوراسمٰعیلی مرکزِدعوت کے ۷۶۵ھ۔۲۷۱۱ء میں یمن منتقل ہونے پرمستعلویہ نے اس کو قائم رکھا کیونکہ یمن میں اُن کے اردگرد اثناعشری اورزیدیہ تھے جن کے یہاں اعمالِ شریعت کو اولین حیثیت حاصل ہے۔مستعلویہ میں یمن سے ۶۴۹ھ۔۰۴۵۱ء میں ہندوستان منتقل ہونے کے بعد بھی ظاہری شریعت کی پابندی برقراررہی۔کیونکہ مصرکی طرح ہندوستان میں اہل سنت کی اکثریت ہے اوراثناعشری بھی ہیں۔

ہندوستان مرکزِدعوت منتقل ہونے کے بعد مستعلویہ بوہرے کہلائے جیساکہ گذشتہ باب میں بیان کیا گیا ہے۔ ۹۹۹ھ۔۰۶۵۱ء میں بوہرے دوحصوں میں بٹ گئے‘ ایک ’داؤدی‘ دوسرے ’سلیمانی‘ رفتہ رفتہ ان میں مزیدفرقے پیداہوگئے جو ’مہدی باغ والے‘ اور ’علّیہ‘ کے نام سے معروف ہیں۔ کہاجاتا ہے کہ سلیمانیہ میں جوزیادہ تر یمن میں ہیں اور مہدی باغ والوں میں قائم القیامتہ‘ کاظہورہوچکا ہے لہذا خیال کیاجاتا ہے کہ جیسا کہ اسمٰعیلیہ میں ہوتارہا ہے وہ بھی ظاہری شریعت کی پابندی سے آزاد ہوگئے ہوں گے۔ البتہ داؤدی بوہرے مصلحت وقت کے تحت اعمال شریعت کے بدستورپابندنظر آتے ہیں۔

مستعلویہ کی مقدس کتابیں

بنیادی عقائد ۱ ؎ (۱ ؎ دیکھئے باب چہارم)

توحید: اللہ تعالیٰ ایک ہے مگروہ کسی صفت سے موصوف یا کسی نعت سے منعوت نہیں کیا جاسکتا۔اللہ تعالیٰ کی ذات پر لفظ واحد کا اطلاق درست نہیں۔ تمام صفات حقیقت میں اُس مبدع اول پر واقع ہیں جسے اللہ تعالیٰ نے سب سے پہلے پیداکیا۔جس کا دوسرانام عقل اول یا امر یاکلمہ ہے۔ عالم جسمانی میں یہ صفات امام پر صادق آتی ہیں کیونکہ وہ عقل کے مقابل قائم ہے۔ اللہ تعالےٰ کو ہست بھی نہیں کہاجاسکتا۔

رسالت: انبیاء ومرسلین کو اولاً مستقر امام کا نائب یا مستودع کہاگیا ہے۔اس کے بعد اس نبی کو ناطق بتلایا ہے جو خدا کی طرف سے شریعت لاتا ہے۔اس حیثیت سے اس کافرض صرف شریعت کا اظہارہے جبکہ باطن کی ذمہ داری ’صامت‘کی ہے اورباطن ہی مقصودِ اصلی ہے اورآگے چل کرکہاگیا ہے کہ ایک ناطق اپنے سابق کی شریعت کومنسوخ کرتاچلاآیا ہے اور یہ سلسلہ امام محمد بن اسمٰعیل بن جعفر صادقؒ تک پہنچا جو ساتویں ناطق اور ساتویں رسول ہیں جنہوں نے رسول اللہؐ کی شریعت ظاہر کو معطل کیا اورباطن کو کشف کیا عالم الطبائع کو ختم کیا یہی یوم آخر میں قائم القیامہ ہیں۔

قرآن پاک: نبی یارسول کا کام یہ ہے کہ وہ جوبات اُ س کے دل میں آتی ہے اور بہتر معلوم ہوتی ہے وہ لوگوں کو بتادیتا ہے اوراُس کا نام کلام الہی رکھتا ہے تاکہ لوگوں میں یہ قول اثر کرجائے اوروہ اسے مان لیں۔ نبی کریمؐ نے اس کا ظاہر بیان کیا جب کہ حضرت علیؓ نے بہ حیثیت ’صامت‘ کے اس کا باطن بیان کیا جومقصود اصلی ہے۔

نبی اور امام

نبی کے مقابلہ میں امام کے اوصاف بھی پیش کئے جاتے ہیں:

۱۔ امام علم خداکا خازن اور علم نبوت کا وارث ہے۔

۲۔ اُس کاجوہر سماوی اوراس کاعلم علوی ہوتا ہے۔

۳۔ اُس کے نفس پر افلاک کا کوئی اثر نہیں ہوتا کیونکہ اُس کاتعلق اُس عالم سے ہے جوخارج ازافلاک ہے۔

۴۔ اُس میں اوردوسرے بندگان خدا میں وہی فرق ہے جو حیوان ناطق اور غیر حیوان ناطق میں ہے۔

۵۔ ہرزمانے میں ایک امام کا وجود ضروری ہے۔

۶۔ امام ہی کو دنیا پر حکومت کرنے کا حق حاصل ہے۔

۷۔ ہر مومن پرامام کی معرفت واجب ہے۔

۸۔ امام معصوم ہوتا ہے اس سے خطا نہیں ہوسکتی۔

۹۔ امام کی معرفت کے بغیرنجات ناممکن ہے۔

۰۱۔ باری تعالیٰ کے جو اوصاف قرآن مجید میں وارد ہیں اُن سے حقیقت میں ائمہ موصوف ہیں۔

۱۱۔ ائمہ کو شریعت میں ترمیم وتنسیخ کااختیار ہے۔

بنیادی اعتقادات کے بعد ھم معروف اسمٰعیلی فرقوں سے متعلق دیگر اموربیان کرتے ہیں:

۱۔ اسمٰعیلیہ (قرامطہ)

اب دنیا میں موجود نہیں۔ (بنیادی اسمٰعیلی عقائد سے منحرف ہوگئے تھے)

۲۔ اسمٰعیلیہ (فاطمی)(دروزیہ)

۱۔امام/خلیفہ کو (نعوذباللہ) خدامانتے ہیں۔

۲۔حلول اورتناسخ کے قائل ہیں۔

۳۔اعمال شریعت کے قطعی پابند نہیں۔

۴۔مسجد کی جگہ جماعت خانہ ہے۔

گویا۔۔۔۔۔۔بنیادی اسمٰعیلی عقائد سے بھی منحرف ہیں۔

۲۔ اسمٰعیلیہ (فاطمی)(مستعلویہ)

۱۔ اُن کا ایمان ہے کہ امام طیب کی نسل سے برابر امام ہورہے ہیں۔ اگرچہ وہ پوشیدہ ہیں لیکن داعیوں کو اُن سے برابر ہدایات ملتی رہتی ہیں۔مہدی آخرالزمان جو قیامت کے دن ظاہر ہوں گے وہ امام طیب کی نسل سے ہوں گے۔ ۲۔ ۱ ؎ (۱ ؎(۲) سے (۵) تک کے لئے دیکھئے ’مذاہب الاسلام‘ ازمحمد نجم الغنی صفحات ۲۹۲ تا۵۹۲ اورآب کوثر صفحات سے ۳۵۳۔۵۵۳)  اعمال شریعت کے پابند ہیں مگر جمعہ کی نماز باجماعت نہیں پڑھتے۔

(۱) اعلانیہ سودلیتے ہیں۔

(ب) دیوالی کے موقع پر روشنی کرتے ہیں اور حساب وکتاب کی نئی کتابیں تبدیل کرتے ہیں۔ہندی مہینوں کے اعتبارسے حساب رکھتے ہیں۔

(ج) عیدین ودیگر مبارک ایام کے لئے ان کاکیلنڈر اپنا ہے۔

(د) مسجد‘ جماعت خانہ اورقبرستان وغیرہ سب علیحدہ ہیں۔

(ہ) کچھ عرصہ سے اُن کی خواتین نے پردہ اختیارکرلیا ہے۔

۳۔وضع قطع اور لباس میں اگرچہ مسلمانوں سے قریب تر ہیں مگر ان سب کا انداز امتیازی ہے جس سے وہ آسانی سے پہچانے جاتے ہیں۔اپنے اسلاف کی تقلید میں سفید لباس پہنتے ہیں۔

۴۔اُن کا کلمہ یہ ہے۔ لاالہ الااللہ محمدرسول اللہ مولانا علی ولی اللہ وصی رسول اللہ

۵۔اذان میں اشھدان محمد رسول اللہ کے بعد اشھدان مولانا علیا ولی اللہ اور حی علی الفلاح کے بعد حی علی خیرالعمل محمد وعلی خیر البشر وعترتھا ماخیرا العتر۔ اضافہ کرتے ہیں۔

(۴) اسمٰعیلیہ (فاطمی) (نزاریہ) یاآغاخانی

(۱) حاضر امام سب کچھ ہے۔

(۲) اعمالِ شریعت سے مکمل طورپر آزاد ہیں (مصلحت وقت کے اعتبارسے حاضر امام کے فرمان خصوصی کے تحت عمل کرلیتے ہیں)

(۳) مسجد کی جگہ جماعت خانہ  ۱ ؎ ( ۱؎جس میں خواجہ حسن نظامی کے مطابق ہنود کا ’اوم‘ اس طرح لکھا جاتا ہے کہ خط کوفی میں ’علی‘ پڑھاجائے) ہے

۴۔ کلمہ حسب ذیل ہے۔

اشھدان لاالہ واشھد ان محمد رسول اللہ واشھد ان علی اللہ (تیسراحصہ غورطلب ہے)

۵۔ شعاراسلامی کے قطعی پابند نہیں (صرف نام اسلامی ہوتے ہیں)

۶۔ حاضر امام‘ مغربی تہذیب کا نمونہ ہیں۔

۷۔ ہرعبادت کا بدل روپیہ پیسہ ہے جو حاضر امام کا حق ہے۔

۸۔ حاضر امام کا دیدارسب سے بڑی عبادت ہے۔

ہم نے اسمٰعیلیوں کے بنیادی اعتقادات اورمختلف فرقوں کی موجودہ کیفیات حتی المقدورخالی الذہن ہوکربیان کردی ہیں۔ اُمید ہے کہ ان معلومات کی بناپر ناظرین خود اُن کے متعلق رائے قائم کرسکیں گے۔

حضرت علیؓ کے متعلق نزاریوں کا عقیدہ

اسمٰعیلی عقائد میں امام کے اوصاف کے متعلق گذشتہ باب میں کافی ذکر کیا جاچکا ہے اب حضرت علیؓ کے متعلق نزاریوں کاعقیدہ پیش کیاجاتا ہے۔ جس کا علم اس باب کی تکمیل کے بعد ہوا۔

”ہم مرتضٰی علیؓ کا نورجماعت کے پاس حاضر وناظر بیٹھے ہیں۔ تمہیں صدقِ دل سے اس حقیقت پر ایمان رکھنا چاہیے کہ ہم (ائمہ) اس دنیا میں وجود عنصری کو لباس کی طرح پہنتے اور اتارتے ہیں۔ مگرہمارانورازلی اورمنزل ہے اوروہ ہمیشہ زندہ اورقائم ہے۔ اسلئے تمہیں اس ازلی اورمنزل نورہی کو مدنظر رکھناچاہیے کہ ہم (ائمہ) اس دنیا میں وجود عنصری کو لباس کی طرح پہنتے اوراتارتے ہیں مگر ہمارا نورازلی اورمنزل ہے اوروہ ہمیشہ زندہ اورقائم ہے۔ اسلئے تمہیں اس ازلی اورمنزل نور ہی کومدنظر رکھنا چاہیے جوازلی اورمنزل نورآغاعلی شاہ یا ہمارے دادا یااُن کے بزرگوں اورحضرت علیؓ میں تھا وہی نوراب ہم میں ہے ہم اُن کے جانشین ہیں۔نورامامت ہمیشہ حاضروناظر اورایک ہے صرف (ان عنصری اجسام جن کے ذریعہ وہ ظاہر ہوتا ہے) نام علیحدہ علیحدہ ہوتے ہیں۔ مولامرتضیٰ علیؓ کا تخت امامت ہمیشہ سے قائم ہے اورتاقیامت قائم رہے گا۔ ۱ ؎  ( ۱ ؎ ارشاد آغا علی شاہ مورخہ ۵۸۸۱۔۹۔۸۔بمبئی (اسماعیلیوں کے تاریخی مکتوبات اورقراردادیں صفحہ ۷۴)

آغاخانیوں کے کلمہ کے آخری ٹکڑے’اشھدان علی اللہ (نعوذ باللہ) اورمندرجہ بالاوضاحت سے حضرت علیؓ کی جوحیثیت سامنے آتی ہے وہ اُس سے مختلف ہے جو قدیم اسمٰعیلی عقائد میں نظرآتی ہے۔یہ غالباً ایران میں اثناعشری اثرات کانتیجہ ہے اورشاید اسی وجہ سے ایران  ۲ ؎  ( ۲ ؎ ایران میں اسمٰعیلیوں کو ملایا‘ ملائی اوروسط ایشیا میں ملائی یا مولائی کہاجاتا ہے) میں نزاری علی اللّہی کہلاتے ہیں۔